ថ្ងៃសៅរ៍ ទី១៥ ខែឧសភា ឆ្នាំ២០២១
កម្មវិធីព័ត៌មាន គេហទំព័រ ស្ពាននាគ ព័ត៌មានពិត ព័ត៌មានរបស់អ្នក 012 870 490
ឯកឧត្តម ឃួង ស្រេង៖ ផ្អាកការជួបជុំ ការប្រគុំតន្ត្រីឆ្លងឆ្នាំនៅភ្នំពេញ ដើម្បីទប់ស្កាត់កូវីដ១៩
Mon,21 December 2020 (Time 09:10 PM)
ដោយ ៖ ប៊ុនធឿន (ចំនួនអ្នកអាន: 95នាក់)


(ភ្នំពេញ)៖ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានណែនាំ​ដល់​គណៈអភិបាលខណ្ឌ និងអាជ្ញាធរមានសមត្ថកិច្ចពាក់ព័ន្ធទាំងអស់ ឲ្យផ្អាកការ​ជួបជុំ និងការប្រគុំ​តន្ត្រីនៅក្នុងឱកាសឆ្លងឆ្នាំថ្មី ឆ្នាំសកល២០២០-២០២១ ដើម្បីបង្ការ និងទប់ស្កាត់​ការ​រាតត្បាត​នៃជំងឺកូវីដ-១៩។ តាមរយៈសារជាសំឡេងរបស់ឯកឧត្ដម ឃួង ស្រេង ដែលផ្ញើជូនប្រធានគណៈបញ្ជាការឯកភា​ពខណ្ឌ​ទាំង១៤​ បានបញ្ជាក់ថា ក្នុងករណីនៅមូលដ្ឋានរបស់ខ្លួនមានការប្រគុំតន្ត្រី ល្បែងកម្សាន្ដ ផ្សព្វផ្សាយ​ផលិតផល ឬក៏ពិធីអបអរសាទរបុណ្យឆ្លងឆ្នាំសកលនាឆ្នាំនេះ ត្រូវណែនាំឲ្យពួកគាត់ផ្អាកជាបណ្ដោះ​អាសន្ន។ មូលហេតុដោយសារព្រឹត្តិការណ៍សហគមន៍២៨វិច្ឆិកា នូវមិនទាន់ចប់ជាស្ថាពរនៅឡើយ និង​ម្យ៉ាងទៀតដោយសារមានការឆ្លងរីករាលនៃជំងឺកូវីដ-១៩នៅក្នុងខេត្តសាមុតសាខនប្រទេសថៃំ ហើយនឹងអាចមានពលករខ្មែរមួយចំនួននួន ត្រឡប់ចូលមកកាន់ប្រទេសកម្ពុជាវិញជាដើម។ ដូច្នេះដើម្បីទប់ស្កាត់នូវការឆ្លងរាតត្បាតនៃជំងឺកូវីដ-១៩នេះ សូមគណៈបញ្ជាការខណ្ឌទាំង​១៤​នៅ​រាជ​ធានី​​ភ្នំពេញ ផ្អាកកម្មវិធីជួបជុំជាបណ្ដោះអាសន្ន ដោយត្រូវរង់ចាំការគ្រប់គ្រងជំងឺកូវីដ-១៩បានល្អប្រសើរ​ថែមទៀត និងត្រូវរង់ចាំការណែនាំជាថ្មី។ ជាចុងក្រោយឯកឧត្ដម ឃួង ស្រេង បានថ្លែងថា ហើយក្នុងនោះដែរ ក៏សូម​ឲ្យ​ប្រធានគណៈបញ្ជាការឯកភាពខណ្ឌទាំង១៤ ធ្វើការផ្សព្វផ្សាយដើម្បីឲ្យប្រជាពលរដ្ឋយើង យល់ដឹង ការពារ និងមានវិធានកូវីដ-១៩នេះឲ្យបានល្អ នៅក្នុងមូលដ្ឋានរបស់យើងរៀងៗខ្លួន៕

ចំនួនអ្នកទស្សនា

ថ្ងៃនេះ :
559 នាក់
ម្សិលមិញ :
797 នាក់
សប្តាហ៍នេះ :
3754 នាក់
ខែនេះ :
13327 នាក់
3 ខែនេះ :
36753 នាក់
សរុប :
291225 នាក់