ថ្ងៃអង្គារ៍ ទី០៩ ខែមីនា ឆ្នាំ២០២១
កម្មវិធីព័ត៌មាន គេហទំព័រ ស្ពាននាគ ព័ត៌មានពិត ព័ត៌មានរបស់អ្នក 012 870 490
កម្លាំងជំនាញ ចុះបង្ក្រាបទីតាំងចែកចាយ និងស្តុកទុកឡេលាបស្បែក ម្សៅលាបមុខ និងសំឡីអនាម័យមីមី ក្លែងក្លាយនៅខណ្ឌបឹងកេងកង
Tue,22 December 2020 (Time 03:47 PM)
ដោយ ៖ ប៊ុនធឿន (ចំនួនអ្នកអាន: 50នាក់)


ភ្នំពេញ៖ កម្លាំងជំនាញ បានចុះបង្ក្រាបទីតាំងចែកចាយ និងស្តុកទុកផលិតផល ឡេលាបស្បែក ម្សៅលាបមុខ និងសំឡីអនាម័យមីមី ជាច្រើនប្រភេទ សង្ស័យថា ជាផលិតផលក្លែងក្លាយ ស្ថិតនៅខាងកើតផ្សារអូឡាំពិក ក្នុងសង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញកាលពីរសៀលថ្ងៃទី២១ ខែធ្នូ ឆ្នាំ២០២០។ ប្រតិបត្តិការនេះ គណៈកម្មាធិការចម្រុះប្រយុទ្ធប្រឆាំងផលិតផលក្លែងក្លាយ នៃក្រសួងមហាផ្ទៃ សហការជាមួយមន្ត្រីកាំកុងត្រូល និងអាជ្ញាធរខណ្ឌបឹងកេងកង ក្រោមការសម្រមសម្រួល ពី លោក ចែ សុង ព្រះរាជអាជ្ញារង អមសាលាដំបូងរាជធានីភ្នំពេញ។ជាក់ស្តែងក្នុងប្រតិបត្តិការចុះបង្ក្រាបនេះ កម្លាំងជំនាញ បានធ្វើការដកហូត យកប្រភេទ​ឡេលាបស្បែក ម្សៅលាបមុខ សំឡីអនាម័យម៉ាកមីមី រួមទាំងផលិតផលជាច្រើនមុខទៀត យកទៅធ្វើសំណាក និងឃាត់ខ្លួនបានប្រុសស្រី ៣នាក់ យកទៅសាកសាកសួរផងដែរ ។ អ្នកទាំង ៣នាក់ដែលសមត្ថកិច្ចឃាត់ខ្លួននេះ មានបុរសម្នាក់សង្ស័យជាម្ចាស់ទីតាំង និងបុគ្គលិកប្រុសស្រី ចំនួន ២នាក់ទៀត ដែលត្រូវឃាត់ខ្លួននោះ បញ្ជូនទៅកាន់គណៈកម្មការធិការប្រយុទ្ធប្រឆាំងផលិតផល ក្លែងក្លាយនៃក្រសួងមហាផ្ទៃ ដើម្បីសាកសួរ និងឃ្លុំបេបិទទីតាំងខាងលើ ជាបណ្តោះអាសន្នផងដែរ៕

ចំនួនអ្នកទស្សនា

ថ្ងៃនេះ :
382 នាក់
ម្សិលមិញ :
377 នាក់
សប្តាហ៍នេះ :
2841 នាក់
ខែនេះ :
10688 នាក់
3 ខែនេះ :
36303 នាក់
សរុប :
263688 នាក់